எங்கள் நந்தனே !!

உலகாண்ட  ராஜ ராஜன்
உதித்த ஐப்பசியில்
எங்களை ஆள உதித்த
எங்கள் கோவே !!

மழலையின் கொஞ்சலோடும்
மதுரத் தமிழின் இனிமையோடும்
எங்களை வசீகரிக்கும்
எங்கள் அமுதே !!

முருகனின் அழகோடும்
முகுந்தனின் குறும்போடும்
எங்களை ஆட்கொண்ட
எங்கள் நந்தனே !!

கீதை துணைக்  கொண்டு
காமராஜர் வழிச்  சென்று
உலகை செழிக்க வைக்க
உளமார வாழ்த்துகிறோம் !!

இதயம் வரையும் மடல்

என்னவளுக்கு என் இதயம் வரையும் மடல் --

நிழலென என்னுடன் வரவிருக்கும் என்னவளே,
இன்னுயிருடன் இணையவிருக்கும் இனியவளே,
காலங்கள்  அனைத்தையும் வசந்த காலமாக மாற்றவிருப்பவளே,
சூறாவளியையும் தென்றலாக வீச வைப்பவளே,
இருளை அகற்ற வந்த வெண்ணிலாவே,
வாழ்க்கையை மணக்கச் செய்ய வந்த மல்லிகையே,
தனிமை சிறையிலிருக்கும் எனை விடுவிக்க வந்த தாரகையே,
நெடும் பயணத்திற்கு துணையாய் வரவிருக்கும் என் பாதியே,
என்னை என்னிடமிருந்து திருடியதற்கு தண்டனையாக,
உனை எனில் சிறை வைக்கப் போகிறேன் 
நம் திருமணத்தின் மூலம்...

இல்லறம்

என் நண்பனின் திருமணத்தை முன்னிட்டு நான் எழுதிய கவிதை

இரு கண்களில் ஓர் பார்வைத்  தோன்ற, 

இரு இதயங்கள் ஓர் உணர்ச்சியை உணர,  

இரு மனதில்  ஓர்  சிந்தனை உதிக்க, 

இரு மெய்யில்  ஓர்  உயிர் வாழத்  தொடங்க,

இரு பாதை ஓர் பாதையாக, 

இரு மனம்  ஒரு மனமாக,

உதயமானது நல்லறமான இல்லறம் !!

தமிழ் புத்தாண்டு

அறம் தழைத்து,

செல்வம் செழித்து,

அறிவு மிளிர்ந்து, 

ஆரோக்கியம் சிறந்து,

இன்பம் பெருகி, 

மகிழ்ச்சி பொங்கி,

நந்தன வருடம், 

நந்தவனம் ஆகட்டும் !!

முதல் பிறந்த நாள்

என் அக்காவின் பெண் குழந்தைக்கு நான் எழுதிய கவிதை (அ) வாழ்த்து மடல்

பிறந்த நாள் !! முதல் பிறந்த நாள் !!
என்னிடமிருந்து கடைக்குட்டி என்ற பட்டத்தை பறித்த
எங்கள் கடைகுட்டிக்கு முதல் பிறந்த நாள்
அக்காவிடமிருந்து வீட்டின் ராணி என்ற பட்டத்தை பறித்த
எங்கள் வீட்டின் ராணிக்கு முதல் பிறந்த நாள்
அக்காவின் குணமான தைரியம், தன்னம்பிக்கை கொண்ட
எங்கள் கிரண் பேடிக்கு முதல் பிறந்த நாள்
அறிவில் சிறந்து விளங்க போகும்
எங்கள் மேரி கியூரிக்கு முதல் பிறந்த நாள்
அறத்தில் சிறந்து விளங்க போகும்
எங்கள் தெரேசாவிற்கு முதல் பிறந்த நாள்
இந்த பிறந்த நாள் போல் பல நூறு பிறந்த நாள் காண போகும்
எங்கள் பொக்கிஷத்திற்கு முதல் பிறந்த நாள்
ஆம் !! முதல் பிறந்த நாள்
இது லேக்காவின் முதல் பிறந்த நாள்