எங்கள் நந்தனே !!

உலகாண்ட  ராஜ ராஜன்
உதித்த ஐப்பசியில்
எங்களை ஆள உதித்த
எங்கள் கோவே !!

மழலையின் கொஞ்சலோடும்
மதுரத் தமிழின் இனிமையோடும்
எங்களை வசீகரிக்கும்
எங்கள் அமுதே !!

முருகனின் அழகோடும்
முகுந்தனின் குறும்போடும்
எங்களை ஆட்கொண்ட
எங்கள் நந்தனே !!

கீதை துணைக்  கொண்டு
காமராஜர் வழிச்  சென்று
உலகை செழிக்க வைக்க
உளமார வாழ்த்துகிறோம் !!

நந்தனின் முதல் பிறந்தநாள்

என் அன்பு மகன் நந்தனின் முதல் பிறந்தநாள் 

அழைப்பிதழுக்காக எழுதிய சிறு கவிதை

குறும்பு கண்டு குதூகலித்த வருடம் 

புன்சிரிப்பு கண்டு பூரித்த வருடம்

மழலை கேட்டு மகிழ்ந்த வருடம்
பட்டுக்கன்னம் தொட்டு பரவசித்த வருடம்
கண்ணனும் கந்தனும் அருளிய
எங்கள் குட்டி நந்தனின் முதல் வருடம்
உங்கள் ஆசீர்வாதம் பெற்று
முழுமை பெற அன்புடன் அழைக்கிறோம்